Қазақстан жеріндегі діни идеологиялық ахуал

[өңдеу]Мүшел

Қазақ жылды мүшел арқылы қайырған. 12 жылда бір мүшел болады деп есептеген. Мүшелге кіретін 12 жылдың әрқайсысы хайуанаттардың атымен аталады.

1. жыл — тышқан
2. жыл — сиыр,
3. жыл — барыс,
4. жыл — қоян,
5. жыл — ұлу,
6. жыл — жылан,
7. жыл — жылқы,
8. жыл — қой,
9. жыл — мешін,
10. жыл — тауық,
11. жыл — ит,
12. жыл — доңыз.

Мүшел есебін көптеген елдер  пайдаланады. Шығысында Жапониядан, батысында Болгарияға дейінгі, оңтүстікте Бирмадан бастап солтүстікте Сібір халықтарына дейінгі елдердің көпшілігі бұл жыл есебін жақсы білген.

Әрбір 12 жылда бір мүшел  аяқталады, одан соң екінші мүшел  басталады. Қазақ адам жасын мүшелмен есептеген және мүшел жас адамға ауыр болады деп түсінген. Сондықтан мүшел жаста адам сақтанып, күтініп жүрген. Бірінші мүшел 12 жас пен 13-тің арасы, екінші мүшел 24 пен 25-тің арасы, үшінші мүшел 36-дан 37-ге шыққанда, төртінші мүшел 48 бен 49 жастың арасы, бесінші 60 пен 61 аралығы, алтыншы 72-ден 73-ке толғанша, жетінші мүшел 84-тен 85-ке қараған, сегізінші мүшел 96 мен 97 жас аралығында болады.^[1]

[өңдеу]Пайдаланылған әдебиет

1. ↑ Қазақстан тарихы: Жалпы білім беретін мектептің қоғамдық-гуманитарлық бағытындағы 10-сыныбына арналған оқулық / Ә. Төлеубаев, Ж. Қасымбаев, М. Қойгелдиев, т.б. — Алматы: "Мектеп" баспасы, 2006. — 232 бет, суретті. ISBN 9965-33-633-4