Жеке енбек шарты

Реферат, 07 Ноября 2011, автор: пользователь скрыл имя

Краткое описание

Еңбек келісім-шарты – бұл жұмысшы мен жұмыс берушінің арасында, жұмысшының белгілі бір жұмысты атқаруға, еңбек тәртібі ережесін сақтауға мінделуіне сәйкес жасалатын келісімі. Жұмыс беруші Еңбек кодексі, Қазақстан Республикасының басқа да нормативтік құқықтық актілері, ұжымдық келісім-шарт, жұмыс берушінің актілерінде қарастылыған еңбек шарттарымен қамтамасыз етуге, еңбек қызметінің шарттары бойынша жұмыс беруге, уақтылы және толық көлемде еңбек ақысын төлеуге міндетті.

Скачать в ZIP (36.82 Кб) Сколько стоит заказать работу?

Файлы: 1 файл

Жеке еңбек шарты.docx

— 39.05 Кб (Скачать)

    Жеке  еңбек келісім-шартының мазмұны

     
Еңбек келісім-шарты – бұл жұмысшы мен жұмыс берушінің арасында, жұмысшының белгілі бір жұмысты атқаруға, еңбек тәртібі ережесін сақтауға мінделуіне сәйкес жасалатын келісімі. Жұмыс беруші Еңбек кодексі, Қазақстан Республикасының басқа да нормативтік құқықтық актілері, ұжымдық келісім-шарт, жұмыс берушінің актілерінде қарастылыған еңбек шарттарымен қамтамасыз етуге, еңбек қызметінің шарттары бойынша жұмыс беруге, уақтылы және толық көлемде еңбек ақысын төлеуге міндетті.  

    Еңбек келісім-шартының мазмұны:

    1. екі  жақтың реквизиттері; 
 
2. нақты мамандық, біліктілік немесе қызмет бойынша (еңбек функциясы) жұмыс; 
 
3. жұмыс атқару орны; 
 
4. еңбек келісім-шартының мерзімі; 
 
5. жұмысты бастаған күні; 
 
6. жұмыс уақыты мен демалыс уақытының режимі; 
 
7. еңбек ақы мөлшері және басқа да шарттары; 
 
8. егер жұмыс ауыр, әрі зиянды және қауіпті (аса қауіпті) жағдайларда болғандағы еңбек шартының сипаты, кепілдіктер мен жеңілдіктер; 
 
9. жұмысшының құқы мен міндеттері; 
 
10. жұмыс берушінің құқы мен міндеттері; 
 
11. еңбек келісім-шартын өзгерту мен тоқтату тәртібі; 
 
12. кепілдіктер мен төлем жеңілдіктері, оларды төлеу тәртібі; 
 
13. сақтандыру шарттары; 
 
14. екі жақтың жауапкершіліктері; 
 
15. бекіткен күн мен реттік номері.

Еңбек келісім шартын бекіту

Еңбек келісім-шарты  жазбаша түрде, еі данамен және екі  жақтың қол қоюы арқылы жасалады. Еңбек  келісім-шартының әр данасы жұмысшы  мен жұмыс берушіде сақталады. Жұмысшының еңбек келісім-шартының бір данасын  алғаны жазбаша түрде анықталады.

Еңбек келісім-шартына  өзгертулер мен толықтырулар енгізу, соның ішінде басқа жұмысқа ауысу  кезінде екі жақпен жазбаша түрде  жүзеге асырылады.  

Еңбек келісім-шартын өзгерту туралы ұсыныс екі жақтың біреуімен жазбаша түрде жасалады және оның түскен күнінен бастап 7 күнтізбелік  күн ішінде келесі жақ қарайды.  

Ұйымның атқарушы органдағы  қызметтік тұлғалармен келісім-шарт ұйым мүлкінің иелерімен немесе оның өкілетті тұлғасы немесе ұйымның  құрылтайшылық құжаттарымен бекітілген тәртібі бойынша органмен жасалады.   

Жұмысқа қабылдауды рәсімдеу  

Жұмысқа қабылдау жасалған келісім-шарт негізінде шыққан жұмыс  берушінің актісімен (бұйрығымен) рәсімделеді.

Жұмыс беруші үш күндік мерзімде жұмысшыны актімен (бұйрықпен) таныстыруы тиіс. Жұмыс берушінің  актісімен танысу жұмысшының қолымен  куәланады.

Жұмысшының талабы бойынша жұмыс беруші актінің  бекітілген көшірмесін беруі тиіс.

Жұмысқа қабылдау кезінде  жұмыс беруші жұмысшыны ұйымның  ішкі еңбек тәртібі ережесімен, жұмысшының

қызметіне қатысты  басқа да жұмыс берушінің актілерімен (еңбек функциясы), ұжымдық келісім-шарттармен таныстыруы тиіс.  

Жұмысшының  еңбек қызметін анықтайтын құжаттар:

1. еңбек кітапшасы; 

2. жұмыс берушінің  оның күні мен тоқтаған негізі  туралы белгі белгіленген еңбек  келісім-шарты; 

3. еңбек келісім-шартын  бекіту және тоқтту негізіндегі  еңбек қатынастарының тууы мен  тоқтағанын анықтайтын жұмыс  беруші актісінен көшірме үзінді; 

4. жұмысшыларға жалақы  беру ведомостінен көшірме үзінді; 

5. жұмыс берушінің  қолы қойылған, ұйым мөрімен немесе  нотариуспен бекітілген қызметтік  тізім (жұмыс туралы, жұмысшының  еңбек қызметі туралы мәлімет  тізімі); 

6. жұмысшының еңбек  қызметі туралы мәліметтер бар  мұрағаттық анықтама.

Жеке  еңбек келісім-шартын тоқтату және бұзу

 
Еңбек келісім-шарты – бұл жұмысшы мен жұмыс берушінің арасында, жұмысшының белгілі бір жұмысты атқаруға, еңбек тәртібі ережесін сақтауға мінделуіне сәйкес жасалатын келісімі. Жұмыс беруші Еңбек кодексі, Қазақстан Республикасының басқа да нормативтік құқықтық актілері, ұжымдық келісім-шарт, жұмыс берушінің актілерінде қарастылыған еңбек шарттарымен қамтамасыз етуге, еңбек қызметінің шарттары бойынша жұмыс беруге, уақтылы және толық көлемде еңбек ақысын төлеуге міндетті.  

Жеке  еңбек келісім-шарты  мына жағдайларда  тоқтауы мүмкін:

1. екі жақтың келісімімен  еңбек келісім-шартын бұзған кезде; 

2. еңбек келісім-шартының  мерзімі аяқталса; 

3. жұмыс берушінің  ықыласы бойынша келісім-шартты  бұзған кезде; 

4. жұмысшының ықыласымен  еңбек келісім-шартын бұзған кезде; 

5. екі жақтың еркінен  тыс жағдайлар бойынша; 

6. жұмысшының еңбек  қатынасын жалғастырудан бас  тартқан кезінде; 

7. Қазақстан Республикасының  заңдарында қарастырылған жағдайлардан  басқа, еңбек қатынастарын жалғастыру  мүмкіндігін шектейтін қызметке  тағайындау немесе жұмысшыны  таңдау жұмысына ауыстырған кезде; 

8. Еңбек келісім-шартын  бекіту шарттарының бұзылуы кезінде; 

9. Жұмыс берушінің  атқарушы органы басшысымен бекітілген, еңбек келісім-шартында қарастырылған  негіздемелер бойынша. 

Еңбек келісім-шартын тоқтату жұмыс беруші – жеке тұлғаның қайтыс болған жағдайындағы (сотпен өлген  деп танылса немесе хабарсыз жоғалған деп танылса) және үй жұмысшыларымен еңбек келісім-шартын тоқтатуды  санамағанда, жұмыс берушінің актісімен (бұйрығымен) рәсімделеді.

Еңбек келісім-шартын тоқтату күні Еңбек кодексінде қарастырылған  жағдайлардан тыс, соңғы жұмыс күні болып табылады.  

Назар аударыңыз!  

Жұмысшының уақытша  еңбекке жарамсыздық кезеңі мен  еңбек демалысы кезеңінде еңбек  келісім-шартын тоқтатуға жол берілмейді (соның ішінде жүктілік пен босану кезінде).  

Жеке  еңбек келісім-шарты  мына жағдайда бұзылады:

1. Екі жақтың келісімімен.  Еңбек келісім шартының жағы  хабарламаны екінші жаққа жібереді. Хабарлама алған жақ үш жұмыс  күні ішінде қабылданған шешім  туралы екінші жаққа жазбаша  хабарлауы тиіс.  

2. Жұмыс берушінің  ықыласы бойынша. Жұмыс беруші, еңбек келісім-шартында ұзақ мерзім  қарастырылмаса, келісім-шартты бұзу  туралы жұмысшыға бір ай бұрын  хабарлауы тиіс. 

3. Жұмысшы ықыласымен. Жұмысшы, Еңбек кодексінің 57 бабының  4 тармағында қарастырылған жағдайлардан  тыс, бір ай бұрын еңбек келісім-шартын  бұзатыны туралы хабарлай отырып, өз ықыласымен бұза алады. 

4. Жұмысшының таңдау  жұмысына ауысуына байланысты. Мұның  негізі жұмыс берушінің жұмысшыға  хабарлауы және таңдау актісі  немесе жұмысшыны қызметке тағайындау  болып табылады.

    
ЕҢБЕК ШАРТЫ 

 
(қала) қ.                                                          (күні.айы.жылы) ж. 
  
    Осы Жеке еңбек шарты (ары қарай – «Шарт»), бір жақтан, Жұмыс беруші (аудан) ауданы әкімі аппараты, орналасқан мекенжайы (мекенжай), (аудан) ауданының әкімі (аты-жөні)атынан және, екінші жақтан, қызметкер (аты-жөні), жеке куәлік № (номер), (жылы) ж. (орган)берген, ЖӘК (номер), СТН (номер), мекенжайы: (мекенжай), 
арасында жасалды. 
  
     1. Шарттың мәні 
1.1. Жұмыс беруші штаттық кестеге сәйкес және осы Шартта белгіленген жағдайларға байланысты (қала) қаласы бойынша Ұлттық қауіпсіздік комитеті департаментінің арнайы тексеруі кезеңінде (аудан) ауданы әкімі аппараты көріктендіру және құрылыс бөлімінде бас маман қызметінің міндетін атқарушы лауазымдық қызметін орындауды тапсырады, ал қызметкер оны орындауға келіседі. 
1.2. Осы Шарт бойынша бұл жұмыс қызметкердің негізгі еңбек қызмет орны болып табылады. 
1.3. Қызметкер өзінің негізгі қызметінен (педагогикалық, ғылыми т.б.) босамай-ақ, басқа қызметтерді қоса атқаруға және қосымша қызмет атқаруға құқылы. 
1.4. Қызметкердің міндеттері бөлім (құрылымдық бөлімше) туралы Ережеге, лауазымдық нұсқаулықтарға сәйкес белгіленеді. 
  
     2. Шарттың әрекет ету мерзімі 
2.1. Осы Еңбек шарты (күні.айы.жылы) ж. бастап күшіне енеді және (қала) қаласы бойынша Ұлттық қауіпсіздік комитеті департаментінің арнайы тексеру кезеңінде әрекет етеді. 
2.2. Қызметкердің ұйымдастыру қабілеті мен біліктілігін тексеру мақсатында 3 айға сынақ мерзімі белгіленеді. Осы мерзім бойы қызметкер Еңбек шартындағы міндеттемелерді толық орындайды. 
2.3. Егер Жұмыс берушіні сынақ нәтижесі қанағаттандырмаса, ол өз шешімін дәлелдемей-ақ, бірақ Еңбек шартының сынақ мерзімінің бітуіне 10 күн қалғанда жазбаша мәлімдеме арқылы бұзуға құқылы. 
2.4. Егер Жұмыс беруші Шартты бұзу құқығын пайдаланбаса, онда қызметкер сынақтан өткен болып есептеледі және Шарт бойынша жұмысын жалғастырады. 
  
    3. Қызметкердің құқықтары мен міндеттері 
3.1. Қызметкердің атқаратын лауазымы бойынша құқықтары мен міндеттері (қала) қаласы(аудан) ауданы көріктендіру және құрылыс бөлімі туралы Ережеге сәйкес болады: 
3.2 Қазақстан Республикасының Конституциясы мен заңнамаларын сақтауға міндетті. 
3.3. Азаматтар мен заңды тұлғалардың құқығын, еркіндігін және заңды мүдделерін сақтауға және қорғауға, азаматтардың өтініштерін заңнамада белгіленген тәртіпте және мерзімде қарап, олар жөнінде қажетті шаралар қабылдауға міндетті. 
3.4. Құзіретін өзіне берілген құқықтың шегінде және лауазымдық міндеттемелеріне сәйкес жүзеге асыруға міндетті. 
3.5. Қызметкер еңбек туралы заңнамада бекітілген тәртіпте осы Еңбек шартын өзгертуге және бұзуға құқылы. 
3.6. Істеген бірдей еңбегі үшін тең құқығынан ешқандай айырусыз тең жалақы алуға құқылы. 
3.7. Гигиена және қауіпсіздік талабына жауап беретін еңбек жағдайына құқылы. 
3.8. Еңбек міндеттемелерін орындауға байланысты денсаулығы мен жеке мүлкіне келтірілген зиянды өтеп алуға құқылы. 
3.9. Еңбек дауларын екі жақтың келісімімен немесе сот тәртібінде шешуге құқылы. 
3.10. Қызметкер атқаратын лауазымдық қызметіне немесе орындайтын жұмыстарына байланысты Жұмыс беруші тапсырған құнды заттарды қорғау, сақтау, сату, тасымалдау немесе қолдануға байланысты мүліктің сақталуын қамтамасыз ету үшін толық материалдық жауапкершілік туралы шартқа қол қоюға міндетті (№1 қосымша). 
3.11. Қызметкер мемлекеттік құпияны және заңмен қорғалатын құпияларды жұмыс істеген уақыттары да, сондай-ақ мемлекеттік қызметтен кеткеннен кейін де жария етпеуге міндетті. 
3.12. Қызметтік міндеттемелерін тиімді орындау үшін Қызметкер кәсіби деңгейін және кәсіптік біліктілігін көтеруге құқылы. 
3.13. Мемлекеттік және еңбек тәртібін сақтауға міндетті. 
3.14. Басшылардың бұйрықтары мен өкімдерін, жоғары тұрған органдардың және лауазымды тұлғалардың шешімдері мен нұсқауларын орындауға міндетті. 
3.15. Қызметкер өрт қауіпсіздігі, еңбекті қорғау және қауіпсіздік ережелерінің талаптарын орындауға міндетті. 
3.16. Қызметкер мүлікке ұқыпты қарап, оның сақталуын қадағалауға, жұмыс барысында оған материалдық зиян келтірілуіне жол бермеуге, материалдық базаны нығайтуда атсалысуға міндетті. 
3.17. Қызметкер ауруына немесе басқа себептерге байланысты жұмысқа келуінің, өзінің лауазымдық міндеттемелерін атқарудың мүмкін еместігін Жұмыс берушіге уақытында хабарлауға міндетті. 
3.18. Қызметкер ҚР Еңбек кодексінің160-бабының 1-3-тармақшаларында бекітілген жағдайларда Жұмыс берушіге келтірген зияны үшін толық мөлшерде материалдық жағынан жауап береді. 
  
    4. Жұмыс берушінің құқықтары мен міндеттері 
4.1. Жұмыс беруші еңбек туралы заңнамада белгіленген тәртіпте осы Шартты бұзуға және өзгертуге құқылы. 
4.2. Еңбек туралы заңнамада белгіленген тәртіпте Қызметкерді көтермелеуге, тәртіптік және материалдық жауапкершілікке тартуға құқылы. 
4.3. Жұмыс берушінің Қазақстан Республикасының Еңбек кодексінің 316-бабындағы және ішкі қолданыс үшін шығарылған жарғылар және актілердің талаптары шегінде құқықтары мен міндеттері болады. 
4.4. Жеке еңбек шарты жасалған кезде Қызметкерді бөлім туралы ережемен, қызметтік міндеттемемен, Қазақстан Республикасының Еңбек кодексімен, оның ішінде Қызметкерге қатысты мәліметтер тізімімен таныстыруға міндетті. 
4.5. Жұмыс беруші Қызметкердің еңбек қызметін, еңбекақысын, кепілділік, өтемақысын және т.б. растайтын, Шарт мерзімі біткеннен немесе бұзылғаннан кейін еңбек қызметін жалғастыруға, сонымен қатар Қазақстан Республикасы тұрғындарын еңбекпен қамту қызметіне есепке алуға қажетті барлық құжаттарының рәсімделуін және сақталуын қамтамасыз етуге міндетті. 
4.6. Жұмыс беруші Қызметкер өтініш бергеннен кейін бес күн ішінде төмендегідей құжаттарды беруге міндетті: 
– Еңбек кітапшасы және оны ауыстыратын құжаты; 
– Өкімнен көшірме (қабылдау, ауыстыру, босату, марапаттау, айыптау туралы және т.б.); 
– Еңбекақы, жұмыс уақыты, лауазымы және т.б. туралы анықтама; 
– Ұсыным хат. 
4.7. Жұмыс беруші Қызметкерден оның лауазымдық міндеттемелерін уақытында және сапалы орындауын, Қызметкердің жұмысына қатысты істердің жүру барысы туралы толық ақпаратты, оған сеніп тапсырылған мүліктің және ақшалай қаражаттың сақталуын, еңбек қауіпсіздігі және оны қорғау талаптарын сақтауды талап етуге құқылы. 
4.8. Жұмыс беруші Қызметкердің Қазақстан Республикасының қолданыстағы заңнамасында және осы Шартта қарастырылған лауазымдық міндеттемелерін анықтап, нақтылайтын ережені бекітуге, сондай-ақ өз құдіреті шегінде ішкі актілер шығаруға құқылы. 
4.9. Қызметкерге еңбектің зиянды, қауіпті жағдайлары туралы ескертуге және егер жұмысты жалғастыру Қызметкердің өмірі немесе денсаулығына қауіп төндіретін болса, оны тоқтатуға міндетті. 
4.10. Жұмыс беруші Қызметкер өз лауазымдық міндеттемелерін орындау үшін қажетті жағдайлар жасауға, оның ішінде жұмыс орнын бөліп беру және оны жабдықтау, құрал-саймандармен және қол құралдарымен қамтамасыз етуге міндетті. 
4.11. Қызметкердің еңбек қызметін растайтын құжаттарды және оны зейнетақымен қамтамасыз етуге аударылған ақша туралы мәліметтерді мұрағатқа өткізуге міндетті. 
  
     5. Қызметкердің еңбек жағдайы 
5.1. Жұмыс және демалыс уақыты: 
а) Қызметкерге төмендегідей жұмыс және демалыс уақыты белгіленеді: 
– қырық сағаттық жұмыс аптасы және екі демалыс күні – сенбі және жексенбі күндері белгіленеді; 
– сегіз сағаттық жұмыс күні – сағат 09.00-ден сағат 18.00-ге дейін; 
– демалыс және тамақтану уақыты – сағат 13.00-ден сағат 14.00-ге дейін 1 сағат. 
б) Қызметкер лауазымдық қызметтеріне байланысты қызметтік тапсырмаларды орындау үшін Қазақстан Республикасы шегіне, сондай-ақ шетелге іссапарға жіберілуі мүмкін; 
в) Қызметкерге еңбек шартына сәйкес орташа жалақысын және лауазымын сақтай отырып, ұзақтығы 30 күнтізбелік күн еңбек демалысы беріледі. Демалыс құқығы осы Шартқа қол қойылғаннан кейін 12 айдан соң беріледі. Демалыс екі жақтың келісімімен «үзілуі» мүмкін; 
г) Дәлелді себебі болған жағдайда Қызметкерге айлық жалақысы сақталмай, ақысыз демалыс берілуі мүмкін. 
5.2. Еңбекақы және сыйақы: 
а) Қызметкерге штаттық кестеге сәйкес лауазымдық айлық жалақы белгіленеді. 
б) Айлық жалақы ай сайын келесі айдың 25-інен кешіктірілмей төленеді. 
в) Жұмыс беруші бекітілген Ережелерге сәйкес Қызметкер жасаған жұмыс үшін сыйақы төлеуі мүмкін. 
г) Шарт кез келген себеппен бұзылған жағдайда немесе мерзімі біткенде Қызметкерге тиесілі ең соңғы жұмыс күніне дейінгі барлық сома төленеді. 
  
     6. Кепілдіктер мен өтемақылар 
6.1. Егер Жұмыс беруші Қызметкерді мемлекеттік немесе қоғамдық міндеттемелерін орындау кезінде жұмыстан босататын болса, онда Жұмыс беруші Қызметкердің лауазымдық қызметін сақтап, оның болмаған уақытына орташа айлық жалақыға пропорционал түрде төлеуге міндетті. 
6.2. Қызметкердің дәрігерлік тексеруден немесе басқа да міндетті комиссиялардан өтуі кезінде оның орташа айлық жалақысы және жұмыс орны(лауазымы) сақталады. 
6.3. Қызметтік іссапарға байланысты кепілдіктер мен өтемақылар Қазақстан Республикасының қолданыстағы заңнамаларына сәйкес белгіленіп, төленеді. Қызметкердің іссапарға Қазақстан Республикасы Үкіметі белгілеген нормадан артық шығарған шығындарына төленетін өтемақылар оны растайтын құжат болғанда Жұмыс беруші есебінен және оның келісімімен төленеді. 
6.4. Қызметкер Қазақстан Республикасының заңнамасында белгіленген әлеуметтік жәрдемақылардың барлық түрлерімен қамтамасыз етіледі. 
  
     7. Жақтардың жауапкершілігі және дауларды шешу 
7.1. Осы Шартта көрсетілген міндеттердің орындалмағаны немесе тиісті дәрежеде орындалмағаны үшін келісуші екі жақ Қазақстан Республикасы заңнамасына сәйкес жауап береді. 
7.2. Осы Еңбек шартын орындау барысында екі Жақ бір-біріне материалдық шығын келтірген жағдайда олар бір-бірінің алдында толық материалдық жауапкершілік туралы шартқа және Қазақстан Республикасының қолданыстағы заңнамасына сәйкес жауап береді. 
  
      8. Еңбек шартын тоқтату және бұзу 
8.1. Осы Еңбек шарты төмендегідей жағдайларда тоқтатылады: 
а) Шарт әрекеті мерзімінің бітуіне байланысты; 
б) Қазақстан Республикасының Еңбек кодексінің 53-бабына сәйкес екі Жаққа тәуелсіз жағдайларда. 
8.2. Осы Шарт мына жағдайларда бұзылуы мүмкін: 
а) екі Жақтың келісімі болғанда екі Жақтың жазбаша келісімі бойынша(Еңбек кодексінің 52-бабының 1-тармағы); 
б) бір Жақ екінші Жақты осы Шарттың бұзылуына дейін кем дегенде бір айдан кешіктірмей жазбаша түрде ескертсе, бір Жақтың бастамасы бойынша(Еңбек кодексінің 54-бабы); 
в) белгілі бір мерзімге жасалған шарттың әрекет ету мерзімінің бітуіне дейін ҚР Еңбек кодексінің 54-бабында қарастырылған жағдайларда алдын ала жазбаша ескертпе жасамай-ақ, Жұмыс берушінің бастамасы бойынша. 
  
    9. Қорытынды ережелер 
9.1. Осы Шартта қарастырылмаған жағдайлар бойынша Жақтар Қазақстан Республикасының қолданыстағы заңнамасын басшылыққа алады. 
9.2. ҚР Еңбек Кодексі Қызметкердің Шарт талаптарына қатысты еңбек жағдайларын жақсартуға қарай өзгерген жағдайда соңғысы (Шарт) түзетілуі тиіс, ал қатаңдандырған жағдайда Шарт өзгеріссіз әрекет етеді. 
9.3. Осы Шарт 2 (екі) данада, әрқайсысы мемлекеттік және орыс тілінде жасалған, заңдылық күштері бірдей, рәсімделуден кейін олардың біреуі - Қызметкерде, екіншісі Жұмыс берушіде болады. 
  
     Қосымша: 
1. Толық жеке материалдық-жауапкершілік туралы шарт. 
2. Мәліметтерді жария етпеу, мемлекеттік құпияны және Заңмен қорғалатын басқа да құпияларды сақтау туралы міндеттеме. 
Осы Шартқа қол қоярда (аудан) ауданы әкімі аппараты қызметкерлерінің қызметін реттейтін төмендегі құжаттармен таныстым: 
– (аудан) ауданы әкімі аппаратының жұмыс регламенті; 
– Көріктендіру және құрылыс бөлімінің бас маманының қызметтік міндеттемелері: 
 (аты-жөні) 
(күні.айы.жылы) ж. 
9.4. Осы Шарт қол қойылған күннен бастап өз күшіне енеді және осы Шартта көрсетілген біту мерзіміне дейін әрекет етеді. 
        Жұмыс беруші: 
        Қазақстан Республикасы 
        (қала) қаласы, (көше) көшесі, (номер). 
        (аудан)ауданының әкімі                                                          (аты-жөні) 
                                                                                                         
         Қызметкер:  (Аты-жөні) 
         Жеке куәлік (төлқұжат) № (номер) 
         СТН (номер) ЖӘК (номер) 
  
Мекенжайы: 
(қала) қаласы, (көше) көшесі, (номер) үй, (номер) 
пәтер, телефон № (номер). 
 

 

  
2-тарау.  Жеке еңбек шарты

 

      9-бап. Жеке  еңбек шартының мазмұны     

1. Жеке еңбек  шартында: 
      1) тараптардың реквизиттерi:  
      жұмыс берушi - заңды тұлғаның толық атауы және орналасқан жерi, жұмыс берушi - заңды тұлғаның құрылтай құжаттарының мемлекеттiк тiркеу нөмiрi мен уақыты;  
      жұмыс берушiнiң (оның өкiлiнiң) тегi, есiмi, әкесiнiң аты (егер жеке басын куәландыратын құжатта көрсетiлсе) және қызметi, ал жұмыс берушi - жеке тұлға болған жағдайда оның тұрақты тұрғылықты жерiнiң мекен-жайы, жеке басын куәландыратын құжаттың атауы, нөмiрi, берiлген күнi;  
      қызметкердiң тегi, есiмi, әкесiнiң аты (егер жеке басын куәландыратын құжатта көрсетiлсе), жеке басын куәландыратын құжаттың атауы, нөмiрi, берiлген күнi; әлеуметтiк жеке кодының нөмiрi (ӘЖК), салық төлеушiнiң тiркелу нөмiрi      

2) еңбек мiндетi (белгiлi бiр қызмет, мамандық, кәсiп  бойынша жұмыс); 
      3) жеке еңбек шартының мерзiмi; 
      4) еңбек мiндеттерiн жүзеге асыру басталатын күн; 
      5) еңбек жағдайларының сипаттамалары, қызметкерлерге ауыр дене еңбегi немесе зиянды (өте зиянды) немесе қауiптi (өте қауiптi) еңбек жағдайларында жұмыс iстегенi үшiн берiлетiн кепiлдiктер мен өтемақылар;       

6) жұмыс уақыты  мен демалыс уақытының режимi; 
      7) еңбекке ақы төлеу және еңбектi қорғау жағдайлары; 
      8) жұмыс берушiнiң құқықтары мен мiндеттерi; 
      9) қызметкердiң құқықтары мен мiндеттерi; 
      10) жеке еңбек шартын өзгерту, бұзу және ұзарту тәртiбi; 
      11) өтемақылар төлеу мен кепiлдiктер беру тәртiбi; 
      12) тараптардың жауапкершiлiгi көрсетiлуге тиiс. 
      1-1. Жеке еңбек шартын белгiленген мерзiмге жасасқанда тараптардың осы шартты мерзiмiнен бұрын бұзғаны үшiн өзара жауапкершiлiгi белгiленуi мүмкiн. 
      2. Тараптардың келiсiмi бойынша жеке еңбек шартына өзге де жағдайлардың енгiзiлуi мүмкiн. 
      3. Жұмыс берушi қызметкерден осы Заңда және Қазақстан Республикасының өзге де заңнамалық актiлерiнде көзделгеннен басқа жағдайларда жеке еңбек шартында келiсiлмеген жұмысты атқаруды талап етуге құқылы емес. (Z030387 (16-бап 2-тармақ, 4) тармақша; Z050029 (29-бап қараңыз) 
      Ескерту. 9-бапқа өзгерiс енгiзiлдi - Қазақстан Республикасының 2004.12.23. N 20 Заңымен.       

10-бап. Жеке  еңбек шартының мерзiмi     

1. Жеке еңбек  шарты: 
      1) белгiсiз мерзiмге; 
      2) осы баптың 1-тармағының 3) тармақшасында көзделгендегiден басқа жағдайларда, бiр жылдан кем емес белгiлi бiр мерзiмге жасалуы мүмкiн. 
      Қызметкермен жеке еңбек шарты қайталап жасалған жағдайда ол белгiленбеген мерзiмге жасалған деп есептеледi. 
      Егер тараптардың ешқайсысы еңбек шарты мерзiмiнiң аяқталуына байланысты бiр жылдан кем емес белгiлi бiр мерзiмге жасалған жеке еңбек шартын тоқтатуды талап етпесе және еңбек қатынастары iс жүзiнде жалғасатын болса, онда жеке еңбек шарты белгiленбеген мерзiмге жасалған деп есептеледi. 
      Жеке еңбек шарты белгiленбеген мерзiмге жасалатын қызметкерлер үшiн көзделген кепiлдiктер мен өтемақылар беруден жалтару мақсатында жеке еңбек шартын белгiлi бiр мерзiмге жасасуға тыйым салынады; 
      3) алда тұрған жұмыс сипатының қысқа мерзiмдiлiгiне немесе оны орындау шартына байланысты, сондай-ақ уақытша жұмыста жоқ қызметкердi ауыстыру уақытына бiр жылдан кем белгiлi бiр мерзiмге жасалуы мүмкiн. 
      2. Егер жеке еңбек шартында оның қолданылу мерзiмi айтылмаса, шарт белгiсiз мерзiмге жасалған деп есептеледi. 
      3. Қызметкерге өтемақылар мен кепiлдiктердi беруден жалтару мақсатында жеке еңбек шартының белгiлi бiр мерзiмге жасалған фактiсi анықталған жағдайда, жұмыс берушi Қазақстан Республикасының заңдарымен белгiленген тәртiппен жауаптылықта болады. 
      Ескерту. 10-бапқа өзгерiс енгiзiлдi - Қазақстан Республикасының 2004.12.23. N 20 Заңымен.       

11-бап. Жұмысқа  қабылдауға жол берiлетiн жас     

1. Жеке еңбек  шартын он алты жасқа толған  адамдармен жасасуға жол берiледi.  
      2. Орта бiлiм алған не жалпы бiлiм беретiн оқу орнын тастап кеткен жағдайда он бес жасқа толған адамдар ата-анасының немесе қорғаншысының, қамқоршысының келiсiмiмен жеке еңбек шартын жасаса алады.  
      3. Ата-анасының бiрiнiң (қорғаншысының, қамқоршысының) келiсiмiмен жеке еңбек шарты оқудан бос уақытында денсаулығына зиян келтiрмейтiн және оқу процесiн бұзбайтын жұмысты орындау үшiн он төрт жасқа толған оқушымен жасалуы мүмкiн.  
      4. Ата-ананың (қорғаншының, қамқоршының) келiсiмi жазбаша нысанда (өтiнiш) берiледi, бұл орайда, ата-ана (қорғаншы, қамқоршы) кәмелетке толмаған адаммен бiрге жеке еңбек шартына қол қояды.  
      5. Он сегiз жасқа толмаған адамдарды ауыр дене жұмыстары мен еңбек жағдайлары зиянды (өте зиянды) және (немесе) қауiптi (өте қауiптi) жұмыстарға қабылдауға жол берiлмейдi.        

Ескерту. 11-бапқа  өзгерiс енгiзiлдi - Қазақстан Республикасының 2004.12.23. N 20 Заңымен.       

12-бап. Жеке  еңбек шартын жасасу     

1. Жеке еңбек  шарты жазбаша нысанда жасалады, кемiнде екi дана етiлiп жасалады  және оған тараптар қол қояды.  Жеке еңбек шартының бiр данасы  тараптар қол қойғаннан кейiн  қызметкерге берiледi.  
      2. Жеке еңбек шартында көрсетiлген жұмыстың басталу күнi қызметкердiң еңбек мiндеттерiн орындауының басталуы деп есептеледi.  
      Жеке еңбек шарты болмаған және (немесе) ол жұмыс берушiнiң тарапынан тиiстi түрде ресiмделмеген жағдайларда жеке еңбек шартының күшi жұмысқа нақты жiберiлген кезден басталады.  
      3. Жеке еңбек шарты жасалғаннан кейiн жұмыс берушi қызметкердi жұмысқа қабылдау туралы бұйрық шығаруға мiндеттi, ол қызметкерге қол қойғызылып хабардар етiледi.  
      4. Жеке еңбек шартын жасасу үшiн жұмыс берушi қызметкердiң еңбек қызметiн растайтын құжаттарды, жеке басының куәлiгiн (төлқұжатын), әлеуметтiк жеке кодының берiлгенi туралы куәлiктi, он алты жасқа толмаған адамдар үшiн тууы туралы куәлiгiн, бiлiмi немесе кәсiби даярлығы туралы құжатты, және заңдарда көзделген өзге де құжаттарды талап етуге құқылы.       

5. Қызметкердiң  бiрнеше жұмыс берушiмен жұмыс  уақыты ұзақтығының толық болмауы  көзделетiн жеке еңбек шартын  жасасуға құқығы бар.  
      6. Ұйымның басшысымен жеке еңбек шартын ұйымның меншiк иесi не меншiк иесi уәкiлдiк берген адам немесе орган ұйымның құрылтай құжаттарында немесе тараптардың келiсiмiнде белгiленген мерзiмге жасасады.  
      7. Жеке еңбек шартына өзгерiстер мен толықтырулар енгiзу оны жасасу үшiн көзделген тәртiппен жүзеге асырылады.  
      Ескерту. 12-бапқа өзгерiс енгiзiлдi - Қазақстан Республикасының 2004.12.23. N 20 Заңымен.       

Информация о работе Жеке енбек шарты

Связанные документы

Жеке енбек шарты

Жеке енбек шарты

Рента шарты

Келісім-шарт, шарт

Жеке табыс салығы

Жеке тұлғаның тәрбиесі

Жеке адам әлеуметтануы

Кәсіпкерлік шарт туралы түсінік

Жеке адамның әлеуметтенуі

Жеке қорғаныс құралдары

Шарт туралы жалпы түсінік

ҚР жеке тұлғаларды несиелендіру

Терроризм бұл – жек көрушілік.

Жеке адам дамуындағы Еріктік сфера