Жобалық ұйымдар және жобалар

Жобалық ұйымдар  және жобалар.

Жобалық ұйымдар – құрылыс сферасында жобалау және ізденіс жұмыстарын атқаратын министрліктің бақылауында болатын мемлекеттік немесе жеке ұйым. Жобалық ұйымдардың қызметі Жарғы немесе баптар негізінде іске асырылады.

Жобалық ұйымдардың басты  мақсаты – жаңа құрылысқа немесе белгілі-бір кәсіпорынды, ғимараты, имаратты немесе сол объектілер кешенін  қайта құруға қажетті жобалық-сметалық құжаттаманы дайындау. Жобалық ұйымдардың құрылымы атқаратын жұмыстарының көлеміне және сипатына тікелей байланысты. Негізінде, жобалық ұйымдардың құрамында келесі тармақтар болады:

• геологиялық немесе гидрогеологиялық ізденістер;
• сметаны жасақтау;
• архитектуралық жоспарлау;
• технологиялық-құрылыстық жобалау;
• инженерлік-сантехникалық қондырғыларды жобалау;
• сызбаларды және сметаны ресімдеу және бюросы.

Жобалау ұйымдары жұмыстарының орындалу кезеңдеріне мыналар жатады:

• жобалауға қатысты тапсырманы дайындау;
• геологиялық, гидрогеологиялық, инженерлік ізденістерді дайындау;
• жобалық тапсырманы дайындау, келісу, қорғау;
• қосалқы зерттекулерді қолдана отырып, жобалық тапсырма негізінде жұмысшы сызбаларды, сметаны жасақтау;
• бекітетін және келісім жасайтын ұйымдардың ескертулерін қарастыру;
• құрылыс кезінде авторлық қадағалау.

Өнеркәсіптер тармақтарының  дамуын және технологиялық жобалауды  жақсарту мақсатында және бірыңғай саясатқа келтіру жолында технологиялық  профильдегі жобалық-конструкторлық ұйымдар өнеркәсіп салаларының  сәйкес министрліктері мен мекемелеріне бағындырылды.

Жұмысшы жоба – бір уақытта құрылыс алаңында мердігер құрылысты жүзеге асыруға керекті құжаттар жинағы болып табылатын максималды талдалған және ақырғы көлемдік-жоспарлық шешім. Жұмысшы жоба үш бөлімнен тұрады:

1. Бекітілетін бөлімі.

Бұл бөлімде объекттің  техника-экономикалық көрсеткіштері  және сипаттамасы есептеледі. Болашақ құрылыс кейін мемлекеттік бақылау органдарының тәртіптерінен өту үшін нормалар мен мемлекеттік стандаттарға сәйкестігін анықтайды.

2. Сәулеттік жоба.

Болашақ объекттің көлемдік-жоспарлық шешімінің жетілдірілген түрі. Болашақ объект жобасы болашақ құрылыс алыңының қоршауындағы ғимараттардың стилистикалық шешімдерінен ауытқымауы керек және де сәулет және қала құрылыс органдарынан келісім алуы керек.

3. Жұмысшы құжаттама.

Құрылыс жұмыстарын орындауға  арналған жұмысшы сызбалар. Сызбаларда ғимараттың геометриялық мәліметтері  көрсетіледі. Жұмысшы құжаттама  құрамына келесі бөлімдер кіреді:

• негізгі бөлімдер бойынша есептеме-түсініктемелік жазба (бас жоспар, экстерьерді және іргелес территорияны жобалау бойынша қала құрылыс бөлімі);
• 1:5000 масштабтағы ситуациондық жоспары;
• топографиялық негіздегі 1:500 мастшабта учаскенің бас жоспары;
• территорияны жайғастыру жоспары, жол қабатының жоспары;
• жер бедерін ұйымдастыру жоспары;
• қабаттар жоспары;
• қасбеттер;
• тіліктер;
• қалау жоспары;
• жабын жоспары;
• қабырға, аражабын, шатыр құрылымдарының түйіндері;
• едендер экспликациясы;
• терезе және есік ойықтарының спецификациясы;
• іргетас жоспары;
• аражабын, іргетас, еден және баспалдақ орналасуының жоспары және түйіндері;
• жекелеген құрылымдық шешімдерінің сұлбалық кескіндемелері;
• қаңқа және шатыр жоспары;
• алаң ішіндегі желілердің және оған тиесілі құрылыдардың орналасу жоспары;
• ұстындар мен арқалықтар;
• жылыту және вентиляция жоспарлары;
• су құбырлары және канализация жоспарлары;
• ғимарат бөлмелерінде алдын-ала қарастырылған ауа тазарту жүйелері орнатылу орындары.

Жұмысшы жобаның басты  мақсаты сәулеттік кешендердің  қиылысты шешімдері, ғимараттар мен  имараттардың типі, олардың құрылысының немесе қайта құруының орындалу реті, инженерлік қамтамасыздандыру және транспорттық қызмет көрсету. Жер бедерін ұйымдастыру, территорияны инженерлік даярлау, құрылыс бағасын анықтау.