Жылжыту қаржысын анықтау

Тапсырма 4

Орамның атқаратын қызметтерін атаңыз?

Тауарды орау жоғары сападағы тауар деген ұғымды қалыптастырады. Тауардың оралуы-оны салатын ыдысқа, қорапқа немесе орайтын затқа байланысты. Таурдың ішкі және сыртқы оралуы болады.

-ішкі оралуы дегеніміз  тауардың салынған тікелей ыдысы,  мысалы, әтірдің шишасы;

-сыртқы оралуы-тауарды  қорғау үшін орайтын және тауарды  тікелей қолдануға дайындау кезінде  алынып тасталатын материал.

Тауардың оралуы мынадай  қызметтерді атқарады:

1. Тауардың бұзылуы мен бүлінуінен сақтайды;
2. Тауарларды көлікпен тасымалдауды, тиеуді, және түсіруді жеңілдету үшін ұтымды бөлшектейді;
3. Таурды сату үшін салмағы мен көлемін оңтайландыруды қамтамасыз ету;
4. Жарнама жасау үшін қолданылады;
5. Қоймаға тауарды жинап қоюды жеңілдетеді;

Тауардың оралуына қойылатын талаптар:

• Тауардың өзіндік түп нұсқасын және патентін қорғау;
• Оралған ыдыстың  өзін басқа мұқтажға қолдану мүмкін;
• Сатып алушыға эстетикалық әсер ету;
• Орауға кеткен шығындардың неғұрлым төмен болуы;
• Тауардың сапасын сақтау талаптарын орындау.

Жаңа тауар  құру сатыларын сипаттаңыз?

1. Идея жасау сатысы- жаңа тауар шығару мүмкіндіктерін үздіксіз ізденуден тұрады. Ол идеяларды фирма қызметкерлерінен, өткізу арналарынан, үкімет органдарынан және бәсекелестердің тауарларын салыстыру арқылы жинауға болады. Негізгі идея жинаудың үш әдісі бар: «ой шабуылы», тауарларды талдау, сауалдама арқылы.
2. Өнімді бағалау сатысында-іріктеу арқылы жарамсыз идеяларды талдаудан тыс шығарады. Ол үшін «іріктеу тізімі» қолданылады. «Іріктеу тізімінің » бір шетінде жаңа тауардың маңызды қасиеттері көрсетіледі, ал екінші шетінде идея бойынша өндірілетін тауарларды салыстырады.
3. Тұжырымдаманы тексеру сатысында- тұтынушыға өндірілетін тауар ұсынылады, сол арқылы оның затқа деген ниеті мен сатып алуға деген ынтасы анықталады.
4. Экономикалық талдау сатысында-сұраныс болжанылады, шығындар мен пайда есептелінеді.
5. Өнімді шығару сатысы- идея нақты іс қимылға айналдырылады.
6. Байқау маркетингі сатысыдегеніміз өнімді бір немесе бірнеше таңдаған аймақта өткізіп отыру.
7. Коммерцияға енгізу сатысы-тауар өміршеңдік кзеңінің енгізу фазасына сәйкес келеді.